Historia e Fakultetit te Artit Figurativ

Historiku



Shkolla e Lartë e Arteve Figurative i filloi mësimet me 3 Janar 1960 në mjediset e shkollës “ Naim Frashëri ” nën emërtimin Instituti i Lartë i Arteve me dy specialitete: Pikturë dhe Skulpturë.Drejtori i parë i këtij institucioni u emërua Vilson Kilica, i cili sapo kishte kryer studimet në Bashkimin Sovjetik.

Pedagogët e parë ishin Guri Madhi, Shaban Hadëri e më pas japin mësim Danish Jukniu, Kristaq Rama, Sali Shijaku, Andrea Mano dhe Muntaz Dhrami. Lëndën e Historisë së Artit e jepnin Agim Duhanxhi, Dhorka Dhamo dhe Kujtim Buza, ndërsa lëndën perspektive - Sokrat Mosko.
Diplomat e para u mbrojtën në vitin 1964. Ishin gjithsej 12 diplomantë përfshirë ndër ta edhe disa studentë që vinin nga shkollat lindore ( Bashkimi Sovjetik, Çeki, Rumani ) të cilët nuk mundën t’i përfundonin studimet në këto vënde. Në vitet e mëvonshme shkolla plotësohet edhe me specialitetet: tekstil, qelq, skenografi, grafi, qeramikë të cilat sollën domosdoshmërinë e krijimit të dy katedrave:
Katedra e Arteve Monumentale dhe Katedra e Arteve Aplikative.

Me 12.11.1991 kjo shkollë u emërtua Fakulteti i Arteve Figurative