Historia e Fakultetit te Muzikes

Historiku e Fakultetit të Muzikës në Akademinë e Arteve



Fakulteti i Muzikës pranë Akademisë së Arteve të Tiranës është krijuar në 15 Janar 1962 nën emërtimin “Konservatori Shtetëror i Tiranës”.

Ai filloi në atë kohë si shkolla e vetme e lartë e edukimit muzikor në Shqipëri dhe kishte në strukturën e vet dy katedra:

1. Katedra e Kantos (ku bënte pjesë edhe specialiteti i Pianos)
2. Katedra e Instrumenteve, me të gjithë instrumentet e orkestrës simfonike.

Në prill të vitit 1966 Konservatori i atëhershëm Shtetëror i Tiranës u bashkua me Shkollën e Lartë për Aktorë “Aleksandër Moisiu” dhe Shkolllën e Lartë të Arteve Figurative, për të krijuar Institutin e Lartë të Arteve (ILA) ku ai u strukturua si “Dega e Muzikës”.

Në vitin 1989 “Degët” e ILA do të shndërroheshin në Fakultete dhe prej asaj dite, Dega e Muzikës do të quhej “Fakulteti i Muzikës”, status që do të jetë i tillë edhe në përbërje të emërtesës së re të ILA si “Akademia e Arteve”..(Status universitar i fituar në vitin 1991)

Gjithë rruga mbi 40 vjeçare e “Fakultetit të Muzikës” pranë Akademisë së Arteve ka qënë rrugë e shtimit sistematik të specialiteteve kryesorë të tij dhe e thellimit të proceseve drejt një statusi të qëndrueshëm universitar. Sot që Fakulteti i Muzikës përgatitetet të implementojë proceset që rrjedhin nga Karta e Bolonjës, ai përbëhet nga dy Depatamente që kanë në përbërje të tyre një numër të konsiderueshëm katedrash të nivelit universitar:

1. Departamenti i Muzikologjisë, me Katedrën e Muziologisë, atë të Kompozicionit dhe Katedrën e Dirizhimit;
2. Departamenti i interpretimit me Katedrën e Harqeve; Katedrën e Pjanos, atë të Instrumenteve të Frymës; katedrën e Kantos dhe Katedrën e Muzikës së Dhomës.

Në fillim të vitit 2005, pas një ndërprerje prej gati 20 vjetësh, në Fakultetin e Muzikës pranë Akademisë së Arteve rifilloi të funksionojë edhe Shkolla Pasuniversitare e Muzikologjisë, shkollë që do ti pajisë kandidatët me diplomën “Master” të studimeve të thelluara pasuniversitare dhe do të mbështesë të gjitha format e tjera të ndërmjetme të formimit në nivelin pasuniversitar.

Në përgjithësi, planet dhe programet mësimore të Fakultetit të Muzikës janë të krahasuara me ato të shkollave të ngjashme në vendet e zhvilluar të Europës perëndimore dhe në këtë kuadër, edhe proceset e domosdoshme të Kartës së Bolonjës janë pjesë e përmirësimeve reformuese të Fakultetit.

Në gjëndjen e sotme Fakulteti i Muzikës numëron rreth 330 studentë. Ai drejtohet nga Dekani i Fakultetit dhe një këshill i përbërë prej 9 anëtarësh.
Numri i përgjithshëm i stafit pedagogjik është 181 Pedagogë, Asistentë, Profesorë të Asociuar dhe Profesorë. Nga këta, një numër prej 57 personash janë në përbërje të kuadrit efektiv të Akademisë.