Kriteret e Konkursit per vitin akademik 2008 - 2009 Specialiteti : Skulpture

Konkursi do të kete dy faza ose te thena ndryshe dy boshte kryesore:

1. Pune Praktike ne Atelie
2. Testim teorik

1. Puna Praktike në atelie do të zhvillohet si më poshtë:
Kohëzgjatja : 2 ditë nga 5 orë
Tema e veprës: Studim nga natyra. (Figurë Njeriu)
Dimensioni i veprës: 70 x 90 cm
Lloji i veprës: Vizatim ose Pikturë (për kandidatë të Pikturës),
Vizatim ose Skulpturë (për kandidatë të Skulpturës) .

Disa sqarime të mëtejshme të kritereve të mësipërme.
Studimi nga Natyra do të propozohet dhe organizohet si më poshtë:
Në të gjitha atelietë e shkollës ku do të zhvillohet testimi praktik i kandidatëve për studentë do të ketë modele të vendosur (figurë njeriu).
Studentët do të prezantohen me modelet dhe më pas ata do të vetvendosin:
a. Cilin model zgjedhin.
b. Mënyren se si kompozojnë.
c. Mjetin me të cilin realizojnë veprën.
Sqarim: Në ndryshim me Konkurset e Mëparshëm, në rastin konkret Modeli i
propozuar (figurë njeriu) para studentëve, shërben si shkak që ata, në mënyrë të ndërgjegjshme të pozicionojnë më qartë një qëndrim individual të shprehjes.Duke mos kushtezuar prerjen e Figurës sipas nje kompozimi Standart, si dhe mjetin me të cilin do të realizohet vepra, studenti vihet në pozicion krijues, ku detyrohet të kompozojë individualisht, të zgjedhë mjetin dhe format e shprehjes nëpermjet një raporti ndjesor më personal me figurën e propozuar.
Si kundër u tha me lart ne Ditën e Parë të Konkurimit ata pasi të njihen me modelin do të vendosin mjetin me të cilin do të realizojnë veprën e tyre. Vepra do të jetë Një
(1) : ose Vizatim, ose Pikturë, ose Skulpturë që do të realizohet në 2 ditë

Baza Materiale
Kandidatët për Studentë duhet të vijnë te përgatitur me këto materiale përkatëse:
Letër Vizatimi 70x90,
Telajo Pikture 70x90, si dhe të gjitha mjetet e tjera plotëesuese për të realizuar një vepër në vizatim apo në telajo(pikture).

Për Kandidatët Skulpturës, Fakulteti siguron materialin (baltë plastike, armature) nëqoftëse ata zgjedhin modelimin, Plastikën për të realizuar punën e tyre.

2. Testimi Teorik
Kohezgjatja: 2 dite + ( në varësi të nr. të konkurentëve)

Faza e parë është Testimi i Kandidatit per Student ne Lenden Histori Arti. Ky Testim do te kryhet nepermjet pergjigjes direkte mbi Tezen e Zgjedhur. Teza eshte e fshehte.
Literaturë:
- Të gjithë materialet me të cilat kanë studiuar në shkollat e mesme
- Historia e Artit (E.H. Gombrixh)
- Aventurë e Artit në shek.XX dhe materiale të tjera alternative.

Faza e Dytë është Interviste e Kandidatit për Student me Anëtaret e Komisionit.
Qëllimi është: Për të testuar nivelin e përgjithshëm kulturor, ndjeshmëritë artistike, marrëdhënien e tij me një proces artistik qe ai kryen, e lidhur kjo ngushte me formacionin e fakultetit, kerkesat tij si dhe ato cka ky fakultet kerkon prej studenteve dhe i ofron atyre njekohesisht.
Faza e Tretë është shqyrtimi i Dosjes Personale të Kandidatit për Student, në të cilën ai prezanton praktikisht një grup punesh te kryera prej tij, dhe qe ai mendon se bëjnë prezantimin më të mirë artistik të tij. Këto punë mund dhe duhet të plotësojnë imazhin e punës praktike që ai kryen në atelier në dy ditët e para të konkursit.

III – Dosje profesionale personale
1. Vizatime e skica të ndryshme, realizime me laps karbon etj. Realizime në vaj,tempera, akuarel etj. (për pikturën)
2. Realizime në skulpturë me foto si dhe punime në skulpturë etj.(për skulpturën)
3. Realizime në teknika të grafikës, tekstil, foto, video, punime në kompjuter etj.

Punimet në vizatim, pikturë dhe skulpturë janë të detyrueshme, ndërsa ato të pikës 3 mbeten fakultative, sipas dëshirës dhe preferencës së konkuruesit. Numri i përgjithshëm i punimeve që duhet të përmbajë dosja të jetë jo më pak se 20.

Shënim:
Kandidati për student është përgjegjës për autorësinë e materialit që prezanton në dosjen e tij personale. N.q.s nga Komisioni verifikohet material i manipuluar, pra jo product i kandidatit për student, ai do të përjashtohet nga konkursi për këtë vit akademik.